Atoqli fransuz shoiri va dramaturgi Edmon Rostan (1868-1918) neoromantizm yo‘nalishida ijod qilgan bo‘lib, ko‘plab go‘zal she’rlari hamda “Burgut bolasi”, “Shantekler”, “Sirano de Berjerak”, “Qizil qo‘lqop”,“Romantiklar”, “Don Juanning so‘nggi tuni”, “Malika Greza” singari dramatik asarlari bilan jahon adabiyoti tarixida o‘chmas iz qoldirgan siymolardan biri. Adibga olamshumul shuhrat keltirgan “Sirano de Berjerak” pesasi 1897-yilda yozilgan bo‘lib, unda muallif go‘zallik, do‘stlik, chin muhabbat kabi oliyjanob g‘oyalarni tarannum etadi.