Deyl Karnegi

Deyl Brekenrij Karnegi (Dale Breckenridge Carnegie) – amerikalik pedagog, yozuvchi. Oʻsha davr ruhshunoslarining ilmiy ishlanmalarini tarjima qilib, amaliy tatbiq etish bilan bir qatorda, muloqotga kirishish nazariyasini yaratishga asos solgan. U janjallashmay va yaxshi muomala qilishning oʻz yoʻriqnomasini ishlab chiqqan. U samarali muloqot, nutqlar qilish malakalarini mustaqil tarzda takomillashtirish boʻyicha psixologik qoʻllanmalarni ishlab chiqdi.
Deyl Karnegining asosiy tamoyili – yomon odam boʻlmaydi degan aqidaga tayanadi. Mavjud noxush holatlar bilan kurashish, qimmatli hayotni mayda-chuyda gaplar bilan arzon bahoga “sotmaslik” gʻoyasi muallif hayotida yoʻlchi yulduz boʻlib qoldi. D. Karnegining shu ruhdagi bir qator asarlari dunyo jamoatchiligi tomonidan hamon sevib oʻqilmoqda.