Kamer Daron Ajemo‘g‘li 1993-yildan beri Massachusets Texnologiya Institutida (MIT) dars berib kelayotgan, asli Turkiyada tugʻilgan amerikalik iqtisodchi. U hozirda MITda Elizabet va Jeyms Killian iqtisodiyot boʻlimida iqtisod professori . 2019 yilda institut professori etib tayinlangan.

U 1967-yil 3-sentyabrda Istambulda Arman oilasida tugʻilgan, Ajemo‘g‘li 25 yoshida London Iqtisodiyot Maktabida (LSE) magistratura, keyin esa PhD darajasini tugatgan. U MITga kirishdan oldin bir yil davomida London Iqtisodiyot Maktabida (LSE)da maʼruza oʻqigan. 2005 yilda Jon Beyts Klark medali bilan taqdirlangan. Ajemo‘g‘li siyosiy iqtisod boʻyicha ishlari bilan mashhur. U yuzlab maqolalar muallifi boʻlib, ularning koʻpchiligi oʻzining uzoq yillik hamkorlari Saymon Jonson va Jeyms A. Robinson bilan hammualliflik qilgan. Robinson bilan birga u “Diktatura va demokratiyaning iqtisodiy manbalari” (2006) va “Mamlakatlar tanazzuli sabablari” (2012) kitoblarini yozdi. Ikkinchi kitobi, institutlarning mamlakatlarning iqtisodiy natijalarini shakllantirishdagi roli haqidagi taʼsirli kitob boʻlib, keng ilmiy va ommaviy axborot vositalarining sharhlariga turtki boʻldi. U Markazchi sifatida, tartibga solinadigan bozor iqtisodiyotiga ishonadi. U muntazam ravishda siyosiy masalalar, iqtisodiy tengsizlik va turli xil oʻziga xos siyosatlar haqida fikr bildiradi.

Ajemo‘g‘li 2011 yilda amerikalik iqtisodchilar oʻrtasida oʻtkazilgan soʻrovda „60 yoshgacha tirik boʻlgan iqtisodchilar“ roʻyxatida Pol Krugman va Greg Mankiwdan keyin uchinchi oʻrinni egalladi. 2015 yilda u Iqtisodiyot boʻyicha tadqiqot maqolalari (RePEc) maʼlumotlariga koʻra soʻnggi 10 yildagi eng koʻp tilga olingan iqtisodchi deb topildi. Open Syllabus Projectga koʻra, Ajemo‘g‘li Mankiw va Krugmandan keyin iqtisod kurslari uchun kollej dasturlari boʻyicha eng koʻp keltiriladigan uchinchi muallifdir.