Dadaxon Nuriy 1943-yilda Namangan shahrida tugʻilgan. Toshkent davlat universitetining Sharq fakultetini tamomlagan.
Dastlabki lirik qissasi – “Oqshom qoʻshiqlari” (1963). Shundan soʻng yozuvchining “Begona” (1968), “Bogʻlarda bahor”, “Mashina Kashmirga boradi” (1970–71), “Osmon ustuni” (1976), “Shahar tegirmoni” (1990), “Begona” (1991) kabi kitoblari nashr etilgan.
Esse, sayohatnoma janrida ham asarlar yozgan (“Daricham roʻparasidagi Pokiston”, 1996; “Pokiston “Oltin devor” tirqishidan”, 1998; “Azim chinorlar panohida”, 2005; “Ram sohibdan hammaga salom”, 2007). Ayniqsa yozuvchining “Boysun junglilaridan Kandi oʻrmonlarigacha” “toʻqilmagan sarguzashtlar” kitobi koʻpchilikda katta qiziqish uygʻotgan.
Dadaxon Nuriy Soʻnggi yillarda “Niqobsiz Amerika va boshqa manzilgohlar” (2010), “Olisdagi dala bogʻ”, “Iztirob” (2017), “Vijdon hayqiriqlari” (2018) kabi kitoblarni yozdi.
Asarlari hindi, urdu, ingliz, qozoq, koreys, turk va rus tillariga tarjima qilingan.
2021-yil 12-iyul kuni Toshkent shahrida vafot etgan.