Boboravshan Gʻoziddinov

Bobo Ravshan (Gʻoziddinov) 1985-yil 23-dekabrda Surxondaryo viloyati Qumqoʻrgʻon tumanida tugʻilgan. 2004-yili shu tumandagi 37-maktabni tamomlagan. 2005 – 2011-yillarda Surxondaryo viloyatining turli gazetalarida jamoatchi muxbir, muxbir vazifalarida ishlagan. 2013 – 2022-yillarda “Karvon qoʻngʻirogʻi”, “Zukkolar davrasida”, “Eko Olam” “Hordiq plyus”, “Yoshlar ovozi”, “Mahalla” kabi gazeta-jurnallarda faoliyat yuritgan. Uning ijodiy mashqlari “Oʻzbekiston adabiyoti va sanʼati”, “Kitob dunyosi”, “Yoshlik”, “Maʼnaviy hayot” kabi bir qator nashrlar va almanaxlarda eʼlon qilingan.
2019-yilda Gʻofur Gʻulom nashriyoti tomonidan “Tong va shom orasida” nomli qissa va hikoyalar toʻplami chop etilgan.