Bertolt Brext

Bertolt Brext (Bertolt Brecht) (1898. 10. 2, Augsburg – 1956. 14. 8, Berlin) – nemis shoiri va yozuvchisi, rejissyor. 1933–47 y. larda muhojirlikda. “Berliner ansambl” teatriga asos solgan (1949). Falsafiy-satirik pyesalari zamonaviy, tarixiy va mifologik mavzularda yozilgan. “Uch pullik opera” (1928 y. da sahnalashtirilgan, 1931 y. da chop etilgan), “Kuraj ona va uning bolalari” (1939 y. da yozilgan, 1941 y. da nashr etilgan), “Galiley hayoti” (1938–39 y. larda yozilgan, 1955 y. da nashr etilgan),“Sezuanlik saxiy odam” (1938–40 y. larda yozilgan, 1943 y. da nashr etilgan) va b. asarlarida zamonaviy dolzarb muammolar insonparvarlik, antifashistik ruhda oʻrtaga tashlangan. Bertolt Brextning teatr nazariyasiga oid ishlari (“Hozirgi zamon teatri yoʻlida”,“Teatrda dialektika” va b.) 20-a. Yevropa teatrshunosligiga taʼsir etgan.