Asad Asil

Asad Asil 1941-yilning 14-iyulida Toshkent viloyati, Boʻstonliq tumanidagi Xondayliq qishlogʻida tavallud topgan. 1966-yil Toshkent Davlat pedagogika institutining pedagogika fakultetini, 1972-yil Toshkent Davlat universitetining filologiya fakultetini tamomlagan. Boʻstonliq, Qibray tumani gazetalari tahririyatlarida, keyinchalik “Sharq yulduzi” va “Guliston” jurnallari tahririyatlarida faoliyat olib borgan. Oʻzbekiston yozuvchilari va jurnalistlari uyushmalari aʼzosi.“Lochin” (1982), “Mehr” (1984), “Quvonch” (1987) hikoyalar toʻplamlari, “Togʻliklar” qissa va hikoyalar toʻplami (1992), “Chirogʻim, men – Sidqiyman, Xandaqliqiyman!..” tarixiy, badiiy, publitsistik romani (2008), “Alqor, nega koʻzing toʻla yosh” voqeiy hikoyalar, esse va publitsistikalar (2011) toʻplamlari muallifi. Yozuvchi oʻz ijodining oʻttiz yildan ziyod vaqtini tarixda oʻchmas iz qoldirgan fidoyi maʼrifatparvar adib boʻlmish Sidqiy Xandaqliqiyning  hayoti va ijodini oʻrganishga bagʻishlagan. Sidqiy Xandaqliqiyning tanlangan asarlari toʻplovchilaridan biri.