Anvar Namozov 1970-yili tugʻilgan. 1993-yilda Samarqand davlat universitetining oʻzbek filologiyasi fakultetini tamomlagan. Talabalik davridayoq ijod namunalari “Oʻzbekiston adabiyoti va sanʼati”, “Oila va jamiyat” gazetalarida chop etilgan. Universitetni tamomlagach, “Zarafshon”, “Darakchi” gazetalarida ishlagan. Bir talay maqolalari va badiiy ijod namunalari “Hurriyat”, “Mohiyat”, “Bekajon”, “7x7”, “Parvona” va boshqa vaqtli matbuot nashrlarida ham eʼlon qilingan. Anvar Namozov Oʻzbekiston Respublikasi Prezidenti huzuridagi Davlat va jamiyat qurilishi akademiyasi tinglovchisi ham boʻlgan. Ayni paytda u “Yangi kitob” nashriyotida faoliyat koʻrsatmoqda. A. Namozov ijodga jiddiy, masʼuliyat bilan qaraydi. “Men – koʻrinmas odam”, “Onasi oʻpmagan yigit”, “Jumboq”, “Qiyofa oʻgʻrisi” va “Notanish” kitoblari muallifi.