Hozirgi zamon fransuz adabiyotining yorqin yulduzlaridan biri Anri Truayya (Henri Troyat) 1911-yilda Fransiyada tavallud topgan. Sorbonna universitetining huquqshunoslik fakultetini tamomlagan. Sena okrugining prefekturasida oz vaqt ishlagach, oʻzini butunlay adabiyotga baxshida etdi. Birinchi romani “Yolgʻon kun” 1935-yilda chop etildi va mukofotga sazovor boʻldi. 1938-yilda yaratilgan “Oʻrgimchak” romani ham aka-uka Gonkurlar mukofotiga loyiq deb topildi, 1959-yili Fransiya Akademiyasiga aʼzo qilib olindi.

1947-yildan boshlab Anri Truayya koʻp jildli romanlar yoza boshladi. “Ekish va yigʻish”, “Egleterlar oilasi”, “Umumiy qabr” va boshqa asarlar shular jumlasidandir.