Alinazar Egamnazarov 1941-yili Toshkent viloyati Zangiota tumanidagi Xonobod qishlogʻida tugʻilgan. 1959-1964-yillarda Toshkent Davlat universitetining filologiya fakulteti jurnalistika boʻlimida oʻqigan. Mehnat faoliyatini 1964-yilda “Sirdaryo haqiqati” gazetasida boshlagan. 1968-1998-yillari “Toshkent oqshomi” gazetasi va “Sharq yulduzi” jurnalida turli lavozimlarda mehnat qilgan. Hozir u Oʻzbekiston milliy ensiklopediyasi Davlat ilmiy nashriyotida yetakchi muharrir boʻlib ishlaydi. Alinazar Egamnazarov “Ustozga taʼzim”, “Ochigʻini aytganda”, “Muqaddas uy”, “Yigirma milliondan biri”, “Siz bilgan Dukchi Eshon”, “Surgun” kitoblarining muallifidir.