Aleksey Dudarev (Alyaksey Anufrievich Dudaraoʻ) 1950-yilda Belorussiyaning Vitebsk viloyatida tugʻilgan. Belorussiya teatr va rassomlik institutini tamomlagan. “Oddiy askar”, “Esingdami, Alyosha…”, “Ostona” kabi pyesalar, “Beliye rosi” qishlogʻi, “Brest qalʼasi”, “Uy toʻyi”, “Qoʻshnilar” singari kinossenariylar muallifi.
Ijodkorning asarlarida asosan ikkita yoʻnalishni sezish mumkin. Birinchisi, harbiy-vatanparvarlik, ikkinchisi, maʼnaviy-axloqiy mavzu. U koʻproq jamiyatning eng past tabaqasi – qashshoqlar, uy-joy nomi nomaʼlum daydilar, bangilar, araqxoʻrlarni qalamga oladi. Lekin adib ularning feʼl-atvoridan, yashayotgan muhitidan yorugʻlik qidiradi va umuminsoniy xulosalar yasaydi.