Aleks La Guma

Aleks La Guma Janubiy Afrikalik yozuvchi, romanlar va koʻplab hikoyalar muallifi. Irqchilikka qarshi faol kurashchi. Davlat xoini deb bir necha bor qamalgan. 1966-yilda Janubiy Afrikani tark etib, keyinchalik Londonda yashagan. JARda yozuvchining barcha asarlari taqiqlangan.
La Gumaning “Tungi sargardonlik” (1962), “Uch bora oʻralgan ip”(1964), “Tosh oʻlka”(1967), “Tumanlar mavsumining soʻngida”(1972) romanlari Rossiyada bir necha bor nashr etilgan.
1970-yilda La Guma Osiyo va Afrika yozuvchilari uyushmasi tomonidan taʼsis etilgan “Nilufar” adabiy mukofoti bilan taqdirlangan. U Osiyo va Afrika yozuvchilari uyushmasi Bosh kotibining oʻrinbosari boʻlib ishlagan.