Alberto Moravia (Alberto Moravia, taxallusi; ismi Pinkerle) (1907. 28. 11, Rim – 1990. 26. 9, Rim) – italyan yozuvchisi.
Moravianing birinchi “Beparvolar” romani, unga shuhrat keltirgan, unda italyan xalqining (jamiyatining) fashizm diktaturasi davridagi ruhiyati va axloqiy kechinmalarining xaroblashuvi (real) aniq aks ettirilgan. Fashizmga qarshi oppozitsiyada boʻlganligi uchun kuzatuv ostida boʻlgan.
U oʻzining urushdan keyingi roman va asarlarida Italiyaning burjua hayotini, uning ijtimoiy qarama-qarshiliklarini aniq koʻrsatib bergan. “Rimlik qiz” (1947), “Nafrat” (1954), “Chochara” (1957), “Men va u” (1971) kabi romanlar hamda “Rim hikoyalari” (1954), “Yangi Rim hikoyalari” (1959), “Jannat” (1970) toʻplamlari muallifi.