Abdunabi Haydarov

Abdunabi Haydarov 1956-yil 29-noyabrda Toshkent viloyatining Bekobod tumanida tugʻilgan. Toshkent Davlat universitetining jurnalistika fakultetini tamomlagan.“Biznes-Daily Media” noshirlik uyi muassisligida chiqadigan “Isteʼmolchi”, “Birja”, “Mening mulkim” gazetalari birlashgan tahririyatida boʻlim muharriri vazifasini bajarib kelmoqda. Abdunabi Haydarovning ijodiy ishlari “Sadoqat”, “Fitna sanʼati”, “Vatan saodati”, “Soʻnmas yulduzlar”, “Mashhurlar hayoti” toʻplamlariga kiritildi. Bundan tashqari, “Bekobod moʻjizasi” nomli kitobi chop etildi. U 1992-yili “Mustaqillik” esdalik nishoni, 1999-yili “Shuhrat” medali, 2006-yili “Oʻzbekiston Respublikasida xizmat koʻrsatgan jurnalist” faxriy unvoni bilan taqdirlangan. Shuningdek, 1994-yili “Oʻzbekiston Respublikasi Xalq maorifi aʼlochisi” nishoni bilan mukofotlandi, 1996-yili esa ”Yilning eng yaxshi jurnalisti” respublika tanlovida gʻolib chiqib, birinchi oʻrin sohibi boʻlgan.