Kichkina shahzoda
Baholang:
19
kishi oʻqimoqchi
8
kishi oʻqiyapti
22
kishi oʻqib boʻlgan
Janr:
Ertak
Falsafa
Klassika
Bolalar adabiyoti
Qayerda oʻqish mumkin
Bu sayt — mutolaa kundaligi
Bu yerda kitoblarni oʻqib yoki yuklab (PDF) boʻlmaydi. Oʻqiganlaringizni qayd eting, baholang va taqriz yozing.
Bu kitobning rasmiy elektron/qogʻoz manbasi hali qoʻshilmagan.
Kitob tavsifi
Antuan de Sent-Ekzyuperining ushbu jahonga mashhur falsafiy ertagi har bir yoshdagi oʻquvchi uchun oʻziga xos maʼnoga ega. Asar oʻz sayyorasidan safarga chiqqan Kichkina shahzodaning turli sayyoralardagi uchrashuvlari, uning Atirgulga boʻlgan mehri va Tulki bilan doʻstligi orqali hayotning chinakam qadriyatlarini ochib beradi. Muallif bolalarcha beguborlik orqali kattalar dunyosidagi murakkabliklar va maʼnaviy qashshoqlikni tahlil qiladi. Kitobdagi 'Asosiy narsani koʻz bilan koʻrib boʻlmaydi, uni faqat qalb bilan his qilish mumkin' degan gʻoya asarning bosh leytmotivi hisoblanadi.
Kitob haqida
- Asl nomi
- Le Petit Prince
-
Tili
Asar yozilgan til
- Fransuz
- Ilk nashr sanasi
- 1943
Statistika
4.7
Oʻrtacha baho
38
Baholar
Baholar taqsimoti
Muallifning boshqa kitoblari
Oʻxshash kitoblar
Natija topilmadi
Natija topilmadi
Ajoyib kitob, tanlov va qiziqish dunyosidagilar....
Yaxshi kitob
“Bu dunyoda faqat bolalargina aslida nima izlab yurganini bilishadi”
Antuan de Sent-Ekzyuperi qalamiga mansub “Kichkina Shahzoda” asari nafaqat kichik kitobxon, balki katta avlod vakillarining ham tushunchalarini oʻzgartirib yuborishi aniq. Kitob bolalar uchun yozilganiga qaramay, voqealar katta inson tabiatiga yaqin va unga taʼsir oʻtkaza oladi. Qissa yolgʻizlik, doʻstlik, sevgi va ayriliq mavzulariga bagʻishlangan.
“Kattalar judayam gʻalati xalq”
Syujet uchuvchining Sahroi Kabirga favqulodda qoʻnishi, bu yerda sirli bolani uchratib qolishidan boshlanadi. Boshqa sayyoradan kelgan Kichkina Shahzoda bir nechta yulduzlar aro sayohat qiladi. Yergacha boʻlgan safarlari davomida fuqarosiz Qirolni, maqtovga oʻch shuhratparastni, mayga berilgan piyonistani, ishga koʻmilib yotgan korchalonni, ahdiga sodiq charogʻbonni, tor fikrli “olim”ni (geograf) uchratadi. Insonlardagi hukmronlik, ichkilikka berilish, maqtov va qarsakbozlikka nafrat bilan qaraydi. Kattalar aslida oʻzlari nima xohlayotganliklarini bilmasliklari, dunyoga bolalarcha nigoh orqali qarashlari keraklini tushuntirishga harakat qiladi.
Oʻzining moʻjazgina sayyorasi, undagi yolgʻiz muhabbati boʻlgan feruza gulini sogʻinib, unga oʻxshashini qidiradi.
Asar bolalar uchun qiziqarli kitob boʻlishi aniq. Lekin uni oʻqish — bolalarcha orzu qilishni toʻxtatgan, dunyoga bolalarcha begʻuborlik bilan qaray olmaydigan biz kattalar uchun ham manfaatli boʻladi.
Asardan iqtiboslar
- Avvaliga barcha kattalar bola edi, koʻpchiligi buni eslay olmaydi;
- Oʻzingizni toʻgʻri sud qila olsangiz (baholay olsangiz), unda haqiqatan donosiz;
- Kattalar raqamlarni yaxshi koʻradi. Yangi doʻstingiz borligini aytsangiz, ular hech qachon eng muhim narsani soʻramaydi. Hech qachon “Ovozi qanday? Qanday oʻyinlarni oʻynashni yaxshi koʻradi? Kapalak tutadimi?” deb soʻrashmaydi. Ular “U necha yoshda? Nechta aka-ukasi bor? Vazni qancha? Otasi qancha pul topadi?” deb soʻraydi. Shundan keyin ular bu odamni bilamiz deb oʻylaydi;
- Odamlar bir haqiqatni unutdi, – dedi Tulki, – ammo hech qachon yodingdan chiqarma: kimniki qoʻlga oʻrgatgan boʻlsang, uning taqdiriga hamisha javobgarsan.
- Odamlar orasida ham oʻzingni yolgʻiz sezaverasan.
- Hozir odamlarni biror narsani bilishga vaqti qolmagan.
AXTED
Inson faqat yuragi bilan to'g'ri ko'ra oladi. Eng asosiy narsani ko'zlar ko mehmonda ko'ra olmaydi... Guling uchun sarflagan vaqting uni sen uchun shunchalik qadrli qiladi.
Ruhshona Yusupova
Ha, chindan ham kattalar g'alati odamlar edilar. Ularning har biri bir dunyo, hammasining o'z sayyorasi, o'z tashvishi va o'z dardlari bor. Birovning birov bilan ishi yo'q, hamma o'zi bilan o'zi ovora... Antuan de Sent-Ekzyuperi "Kichkina shahzoda"
Muhammad Yorqin
Eng asosiy narsani ko'z ilg'amaydi, u siyratda, botinda pinhon...
Muhammad Yorqin
Chunki dunyoda do'stlarni unutib yuborishdan ham qayg'uliroq narsa yo'q, axir do'st bo'lish har kimga ham nasib etavermaydi-da.
Muhammad Yorqin
Axir aslida ko'zyosh degani - anglab bo'lmas, sirli bir saltanat emasmi?
Muhammad Yorqin
O'zingni tergash, sud qilib, hukm chiqarish o'zgalarni sud qilishdan ko'ra ming karra qiyinroq. Agar o'zingni to'g'ri sud qila bilsang, demak, chindan ham donishmand odam bo'lib chiqasan.
Fazilat
– Qani endi, yulduzlarning nega charaqlashini bilsam, – dedi u o‘ychan ohangda. – Chamasi, ular, ertami kechmi har kim o‘z yulduzini topib olishi uchun charaqlab turishi kerak.